ANTILOCHUS

I.

ANTILOCHUS

Historicus, laudatus Dionys. Halicarn.

Clementi Alex. Stromat. l. 1. Voss. de Hist. Graec. l. 3. p. 323.

II.

ANTILOCHUS

Nestoris et Eurydices maior natu fil. patrem secutus ad bellum Troianum, in pugna a Memnone Aurorae filio occius est, uti tradit Homer. Od. 4. v. 187.

Μνήσατο γὰρ κατα θυμὸν ἀμύμονος Ἀντιλόχοιο

Τὸν ῥ Ἠοῦς ἔκνεινε φαεινῆς ἀγλαὸς υἱός.

Vel ab Hectore, ut ait Ovidius, in Ep. Penelopes 1. Heroid. v. 15.

Sive quis Antilochum narrabat ab Hectore victum.

Iuvenalis Sat. 10. de Nestore v. 25.

---- Oro parumper

Attendas, quantum de legibus ipse queratur

Fatorum, et nimio de stamine, cum videt acris

Amilochi barbam ardentem.

Propert. de eodem. l. 2. eleg. 13. v. 48.

Non ille Antilochi vidisset corpus humari;

Diceret, aut, ô mors, cur mihi sera venis.

Vide Q. Symrnaeum l. 2. v. 260. Verum luctus ille non indesinenter duravit. Horat. od. 9. l. 2. v. 13.

At non ter aevo functus amabilem

Ploravit omnes Antilochum senex

Annos. --- --- ---

Nic. Lloydius.

III.

ANTILOCHUS

Poeta, qui, cum carmine Lysandri laudes scripsisset, ab eo, Plutarchô teste, donatus est pileô Laconicô argenti plenô.

IV.

ANTILOCHUS

Rex Messeniorum, Pausan. l. 7.